الرئيسية » » جوه روحه | جاسر جمال الدين

جوه روحه | جاسر جمال الدين

Written By Unknown on الثلاثاء، 21 يوليو 2015 | 1:10 م



    جوه روحه
    فجأه كش
    كان بيقرا
    من عينين الناس حكايته
    لسه بيكمل قرايته
    عقله بيركز ما تهش
    هوه بس ما انتبهش
    لما حبل العمر جره
    والسنين فضحتله سره
    والوجع حمل كذلك
    رغم ذلك ما اندهش
    رتب البهجه ف سطوره
    واتقى لحظات عذابه
    بالأدب واقف فى دوره
    والايدين ماسكين كتابه
    واللى صابه ناب صحابه
    كات بتنهش
    روحه نهش رغم ذلك ما اندهش
    حب يعمل فيها شاطر
    للأسف
    الوجع ما عملش خاطر
    عام فى بحر من المخاطر
    والقلم سنه اتقصف
    كان بيحلم يتنصف
    بس حلمه ضعيف وهش
    جوه روحه
    فجأه كش
    كان بيقرا
    جوه عين الناس حكايته
    لسه بيكمل قرايته
    عقله بيركز ما تهش
    التعليقات
    0 التعليقات

    0 التعليقات:

    إرسال تعليق

    يتم التشغيل بواسطة Blogger.