الرئيسية » » مدد يا عدرا | جاسر جمال الدين

مدد يا عدرا | جاسر جمال الدين

Written By هشام الصباحي on الجمعة، 15 أغسطس 2014 | 6:18 م


مدد يا عدرا ...

مدد ياعدرا مدد....
يا مكتفه صوتى ..
مدد يا حضن الدفا...
يا شفايه من موتى 
جسدى اترمى ع الارض...
ماتقوليش مصروع 
خبيت عليكى البرد..
وقرصتى م الجوع
شربتى دمعى دوا 
لما ارتوى جرحك 
وبقيت انا المبتلى 
قلبى صبح موجوع
..........................
بقت الدموع سكتى ...
وكلمتى سكوتى
..............................
صمتى الحزين مش خوف...
ولا الم فى الجوف ...
ولا خرس صابنى 
صمتى سؤال بطرحه ..
علشان تجاوبنى 
انا اللى شايل على اكتافى ..
جبل احزان 
مش م النهارده ولا أمبارح ... 
بقالى زمان ..
رافع فى قامتى فخامتى...
ومندمج فى الدور
يتقل فوقيا الجبل ...
ف خاف ابان مكسور
يتقل كمان انحنى ..
واهم بومضة نور
والحضن لما ينزرع بالشوك 
يشلب فى قلبى بوجع...... 
قوم يترمى منهوك 
هتقولى تانى ابوك ...
راح اكتب ع الحيطان أنسان ..
قلبى نشف فيا .. 
بقى زى عضمايه 
أبه اللى ممكن يبقى .. بعدها تانى 
قلبى اتجلد من خى ...قلتله كفايه
هلحس لوحدى .. دم أحزانى 
فركت قلبى حصى 
وقف فى وش العصى .
طابور من الشهدا.
..ده اللى اتحصى... رسمى 
دورت على أسمى بينهم وملقيتهوش
جريت وانا مدووش
ماحدش لمح موتى
مدد ياعدرا مدد يا مكتفه صوتى ..

جاسر
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.