ريشة محبه
نغبشة مناخيرى حبه
رحت عاطس كل أحلامى العبيطه
ودخلت سوناتا جديده لأسراب الفيران
أعرفّك أنا أبن عاق
أتمرمطت أسراره
فوق ضهر النواصى
أتبهدلت منه الكتاف
فى رحلة الصيف والشتا
بقى فار محنط
حاول يظبّط نومته
على الجنب اللى ما شافش الكابوس
باع نكتتينه
وأشترى نابين لأفعى
مبقاش بيفهم حتى رسومات الملايكه
دور فى جيبه على صاحب حقيقى
عضه فار محموم
وأبتسم لأهاته بأنتعاش غريب
السم بيجرى
فى النسيج الشفتشى
ويبين الصوره من غير ذبذبه
ينشال وينحط التراب فى الخرخشه
والمسخ لهيئة الفار شىء بسيط
أنا كنت طالع بدرى ساعه
قبل ما التربه بتاعتى تنقفل
الديدان كانت بتسحب
لسه أول مره ف عنيه بتوجس
كانت جزمة العيد والقميص
تحت المخده
والوابور الجاز موشوش ودنى
بحكاية المهرج
مع ضربة المدفع جريت
فأنكفيت
وداسنى صاحبى .... وما أعتذرش
وأبتسم لرسمة الطباشيره ع الأسفلت
بنوته بضفاير
وأنا كنت طالع بدرى ساعه
قلت أزوق جوه موالى
اللى فاضى م الجناب
وأفك جسمك وأشترى علبة شقاوه
وأبتدى أزرع ملبس صوتك جوه قلبى
وأستنى المواسم
نغبشة مناخيرى حبه
رحت عاطس كل أحلامى العبيطه
ودخلت سوناتا جديده لأسراب الفيران
أعرفّك أنا أبن عاق
أتمرمطت أسراره
فوق ضهر النواصى
أتبهدلت منه الكتاف
فى رحلة الصيف والشتا
بقى فار محنط
حاول يظبّط نومته
على الجنب اللى ما شافش الكابوس
باع نكتتينه
وأشترى نابين لأفعى
مبقاش بيفهم حتى رسومات الملايكه
دور فى جيبه على صاحب حقيقى
عضه فار محموم
وأبتسم لأهاته بأنتعاش غريب
السم بيجرى
فى النسيج الشفتشى
ويبين الصوره من غير ذبذبه
ينشال وينحط التراب فى الخرخشه
والمسخ لهيئة الفار شىء بسيط
أنا كنت طالع بدرى ساعه
قبل ما التربه بتاعتى تنقفل
الديدان كانت بتسحب
لسه أول مره ف عنيه بتوجس
كانت جزمة العيد والقميص
تحت المخده
والوابور الجاز موشوش ودنى
بحكاية المهرج
مع ضربة المدفع جريت
فأنكفيت
وداسنى صاحبى .... وما أعتذرش
وأبتسم لرسمة الطباشيره ع الأسفلت
بنوته بضفاير
وأنا كنت طالع بدرى ساعه
قلت أزوق جوه موالى
اللى فاضى م الجناب
وأفك جسمك وأشترى علبة شقاوه
وأبتدى أزرع ملبس صوتك جوه قلبى
وأستنى المواسم
