للاسف ماعييش رصيد
كنت هرن عليكى
انا المدبوح بسكينتك
وبرضه
دمعه ف عينيكى
انا الهامش وانا المضمون
انا الفاقد
ماليش 100 لون
ولسه كنت بتعاقد
على دنيا
خلاف ده الكون
فلو تكرمتتى و سمحتى
بعد اذن جناب سيادتك
خفى م الحفر اللى تحتى
أدفنينى
بس اكون
مدفون براحتى
اما عن باقى المشاكل
نفضيلها
يعنى مش ضرورى أكل
المتع انا مش فاضيلها
بس حاسبى بتفعصينى
تبظبظى الأحزان ف عينى
تنفجر حبة حاجات
دمعتين على ذكريات
شنط محمله من سنينى
بس بس
حاسبى لحسن بتخنق
حاسس بقلبى بين صوابعك
كل ماده بيتزنق
ص و ت ى
ب ي ن س ح ب
و ي ر و ح
ح ا س س
ط ل و ع
ا ل ر و ح
