دخلك يا زهر الحقل يا وزّال | جوليت أنطونيوس

خبّر حبيبي عنّك وعنّي
قدّيش صرنا بغيبتو أصحاب
اتنيناتنا بنفس الشوك والعَنّي
كلما التقينا قلوبنا بتنصاب

وكنّا اتفقنا بالألم ما نبوح
بس الألم طبعو شقي و ثرثار
بكرجة عطر سر الجرح بيفوح
وشغلة الريّح تشيّع الأخبار

يا زهر من همّي أنا م عليك
منّي لحالي صرت من يمّك
كلما وقعت بيدبلو عينيك
كلما دبلت بنخ تا لمّك
وبجن من نحلة تقرّب لَيك
وشو بغار..
من نسمة هوا تشمّك
وحتى ما طير يرفرف حواليك
بعمل ايديّ جناح ..وبضمّك