بتنعبش فى زبالة الشارع
بتدور على حاجه مفقوده
نفس الطرحه بلونها الباهت
والبالطو بزرايره السوده
نفس ملامح وش توضح
كيف الزمن القاسى يجرح
عين مزمومه وشفاتير ناشفه
أيد مش خايفه لكن مرعوشه
وراس على طول اليوم منكوشه
تجرى تقف ع الجنب التانى
تمد ايديها
هى يدوبك بس ثوانى
ودمع يرغرغ جوه عينيها
هوه الموت واقف بغباوته
وبجبروته وكل قساوته
رسم الوش بدون ضحكتها
سرق الفرحه وكل حيلتها
حتى ضناها
لسه يا دوبك كان وياها
كان بيغنى بفرحه معاها
ماشى يهز ايديه بكراسته
طالع لسه من مدرسته
بيدندن نفس الاغنيه
ماما زمانها
وقبل ما ينطق كلمة جيه
كان انداس
دمه اتنتور ع الكراس
كانت واقفه الجنب التانى
مدا ايديها بتستناه
شافت جسمه لفوق بيطير
مدت روحها بتتلقاه
حبل بيخنق حتى انينها
لسه سكوتها بيصرخ ااااه
رفضت تدفن جنبه حنينها
رفضت حتى تصدق عينها
عقلها فجأه بيسحب منها
وسط الشارع تجرى وراه
بتنعبش فى زباالة الشارع
بتدور على حاجه مفقوده
نفس الطرحه بلونه الباهت
والبالطو بزرايره السوده
بتدور على حاجه مفقوده
نفس الطرحه بلونها الباهت
والبالطو بزرايره السوده
نفس ملامح وش توضح
كيف الزمن القاسى يجرح
عين مزمومه وشفاتير ناشفه
أيد مش خايفه لكن مرعوشه
وراس على طول اليوم منكوشه
تجرى تقف ع الجنب التانى
تمد ايديها
هى يدوبك بس ثوانى
ودمع يرغرغ جوه عينيها
هوه الموت واقف بغباوته
وبجبروته وكل قساوته
رسم الوش بدون ضحكتها
سرق الفرحه وكل حيلتها
حتى ضناها
لسه يا دوبك كان وياها
كان بيغنى بفرحه معاها
ماشى يهز ايديه بكراسته
طالع لسه من مدرسته
بيدندن نفس الاغنيه
ماما زمانها
وقبل ما ينطق كلمة جيه
كان انداس
دمه اتنتور ع الكراس
كانت واقفه الجنب التانى
مدا ايديها بتستناه
شافت جسمه لفوق بيطير
مدت روحها بتتلقاه
حبل بيخنق حتى انينها
لسه سكوتها بيصرخ ااااه
رفضت تدفن جنبه حنينها
رفضت حتى تصدق عينها
عقلها فجأه بيسحب منها
وسط الشارع تجرى وراه
بتنعبش فى زباالة الشارع
بتدور على حاجه مفقوده
نفس الطرحه بلونه الباهت
والبالطو بزرايره السوده
