كلمتين من قاموس الشجن
.......
الكلمه الأولانيه
.......
اليوم يطول
والشمس غول
ناشب ضوافره فى رئتك
بتدوب بواقى رقتك
فوق شط غليان الملل
تجمد خطاك فوق الطريق
حبلين زهق بيكتفوك
ويطلعوك ع المقصله
تتمخط الأيام فى سدرك حلم جاف
تتفه فوق ارضك ..
جفاف
الدم جوه وريدك الغجرى غلى
رسم الخريطه
-قال كده
النهر واصل مابين قلبك
وبين بحر العرق
بين قوسين ..
الفرح .. عفريت وأتحرق
واللى فرق وجع الطريق
وطعنه من اقرب صديق
وسؤال بيترجى الحلول
اليوم يطول
والوش نول
غازل عليه
قصة خروج الدم من صلب الحجر
أصل النبؤه والإله المنتظر
فانت القضا وانت القدر
والأختيار المر...تضى
ريح الشقى بتعبى فيك
وتزيد عليك نحت الخطوط
--------
الكلمه التانيه----.
-------------.
.. إياك تموت
لو مت مين يأوى الغلابه
جوه سدره فى المسا
لومت مين يأوى البيوت ..
.......
الكلمه الأولانيه
.......
اليوم يطول
والشمس غول
ناشب ضوافره فى رئتك
بتدوب بواقى رقتك
فوق شط غليان الملل
تجمد خطاك فوق الطريق
حبلين زهق بيكتفوك
ويطلعوك ع المقصله
تتمخط الأيام فى سدرك حلم جاف
تتفه فوق ارضك ..
جفاف
الدم جوه وريدك الغجرى غلى
رسم الخريطه
-قال كده
النهر واصل مابين قلبك
وبين بحر العرق
بين قوسين ..
الفرح .. عفريت وأتحرق
واللى فرق وجع الطريق
وطعنه من اقرب صديق
وسؤال بيترجى الحلول
اليوم يطول
والوش نول
غازل عليه
قصة خروج الدم من صلب الحجر
أصل النبؤه والإله المنتظر
فانت القضا وانت القدر
والأختيار المر...تضى
ريح الشقى بتعبى فيك
وتزيد عليك نحت الخطوط
--------
الكلمه التانيه----.
-------------.
.. إياك تموت
لو مت مين يأوى الغلابه
جوه سدره فى المسا
لومت مين يأوى البيوت ..
